Kung ang sabi-sabi ay salot daw ang mga bakla, puwes, ibahin natin—salot ang argumentong nagsasabing desisyon ang pagiging bakla at isa itong sakit sa pag-iisip.

Seryoso, humawak nga kayo ng damo. Ito kayang mga sutsot na pilit iniipit ang mga bading, desisyon din ba nila maging anuman ang sekswalidad nila, halimbawa na ang mga ‘di baliko? Siyempre, hindi. Ganoon din ang mga bakla. Pinanganak silang bakla.

Ayon sa American Psychological Association, ‘inborn’ o pagkatungtong mo pa lang sa mundo, unti-unti mo nang malalaman ang sekswalidad mo dahil sa biyolohikal, kapaligiran, o kaya sa paraan kung paano ka man pinapaki ng magulang mo. Hindi ‘yong nakita lang nila ang salitang ‘bakla’ sa social media at saka naman sila magdedesisyon na maging bakla.

Kaya ang argumentong “pinili naman nila ang pagiging salot” ay walang silbi at hindi dapat pinapairal. Bilang baliko, hindi ako pumili ng kulay ng krayola para kulayan ang bahaghari; bagkus, ang bahaghari ang mismong nagsama-sama ng kulay ng krayola para kumulay sa akin.

Dagdag mo pa na sakit daw ito sa utak. Pero hindi nila alam, baligtad ang dila nila—mas may sakit ang taong putak nang putak at walang magandang sinasabi kaysa tanggapin na lang ang mga bagay-bagay sa mundo.

Hindi sakit ang pagiging bakla—masasabi ko pa nga itong “role model” kasi kahit puno ng bida-bida ang sistema, tumatayo pa rin sila at patuloy na lumalaban, may ngiti, may kulay, at may kasisayan. Hindi sila ang tipikal na taong baliw; may sarili silang isip at damdamin.

Hindi na dapat iniipit ang mga ganitong bagay. Kung gusto nilang ipakita ang kanilang sarili sa ganoong paraan, bakit natin sila pipigilan? Lalo na sa lahat ng kasarian, parehas lang, kung ayan ang gusto ninyong paraan, puwes, magsighay ka.

Ang pakikisawsaw sa buhay ng iba tulad ng pagbato ng arugmentong bakla ay sakit, salot, at ang sabi-sabing pinili ito ay hindi na dapat sinasabi.

2026 na, naiwan pa rin tayo sa ganiyang mindset?

Pare-parehas lang tayong tao, may pag-iisip, may landas, pangarap, at buhay. Kaya ang pakikialam ay walang lugar para mas maging mabuti ang lipunan natin.

Kapag ginawa nating mapagsikhay ang ating lipunan, malalaman at malalaman natin na masaya kapag may bakla; mamahalin mo ang mga bakla, at mapapasabi ka na dapat may bakla.

The Frontman