LISTEN TO ARTICLESynthesized Narration • 0:00 / 0:00

Sa gitna ng aming hirap—ang aming pera, pondo, at dugo’t pawis—bakit kayong mga korap ang sabik na yumayakap dito? Ano ba talaga ang ganap? Sa isang pitik, kayo’y unti-unting yumayaman at kami naman ay unti-unting nalulunod—kayo’y natutulog sa aming hirap, kami? Sa matigas, buhaghag na sahig. Sa isang pitik, ang aming hirap ay lalo pang nagpapahirap. Kuryente, pagkain, edukasyon, ni ang pinakasimpleng bagay ay hindi namin kayang bilhin. Ang mga luxury bag at cars ninyo? Halaga na yan ng isang buhay. Ang mga flood-control projects na inyong itinupad? Nawala—kasabay na rin ang aming kita sa isang linggo, na napunta sa kumakapit na katiwalian. Sa isang pitik, sana’y dumating na ang hustisya at ang konsensya ninyo’y umayos. Pero kami’y nalulunod na sa aming pawis at pagod—gayundin sa inyong laway ng kasakiman. Maghirap man tayo o hindi, sa isang pikit ay masasarhan tayo ng pinto—habang sila'y patuloy na naliligo sa bahang ginto.