Sa mga nagsipagtapos:

Graduated na pala tayo. Apir, same tayo! Notes doon, post d’yan ng mga graduation moments. May pa-background music pa habang maraming "congratulations" ang natatanggap sa mga inboxes at comments.

Yes, graduated na! Finally, katapusan na ng lahat — quizzes, examinations, research papers, oral recitations, groupings, at mga bagay na humahamon sa atin. Parang kailan lang tayo nagsimula bilang mga baguhan, ‘no? For what, two years? Four years? O meron pa ngang lagpas pa sa kalendaryo bago lang makapag-march sa graduation. Ilang taon man naghirap at nagsakripisyo para sa toga at diploma, saludo ako para sa mga nakamit nating tagumpay.

Hay, kung kailan nakapagtapos na tayo — still, out of nowhere tayo nag-iisip kung saan na ba tayo.

Sa mga graduates na sa elementary at high school, sure na ba na may school na kayong papasukan sa paparating na pasukan? Naghihintay pa rin kayo sa results ng entrance exam na tiyak mas sasabog sa kaba at tuwa? Nag-advance reading nga ba kayo sa posibleng mga lessons na tatalakayin? O naiinis pa rin kayo sa magiging pagbabago sa setup dahil sa trimester school calendar at sa mga reduced subjects at workloads?

Hep-hep sa mga college o university graduates d’yan. Kaway-kaway naman kung magta-take na ba ng board examination para makalisensya? Meron ba dyan sumasakit na ang ulo sa pasikot-sikot na mga valid IDs? Set nga ba ang resumes and application letters na ipapasa sa mga gusto niyong company or institution? O mas gugustuhin niyo na lang humilata sa kama at mag-cellphone na lang, naghihintay ng grasya at blessings mula sa iba?

Buhay naman pagkatapos mag-aral ay mas mahirap kaysa sa mga nag-aaral. Marami kasing isasa-alang-alang lalo na kung ang hinahangad natin ay magandang kinabukasan. Tama o mali? TAMA! Lahat naman tayo, kaniya-kaniya ang manifestations. Aminin natin. Step by the step ika nga ang mga gusto natin marating sa buhay para sa sarili at sa ating loved ones. LOVED ONES?!

Kidding aside naman. Para sa ating mga nagsipagtapos na, alam na alam natin ang katagang "This is not the end, but this is a beginning..." na hanggang ngayon ay hindi pa rin nalalagas sa isip at diwa natin sa bagong mundo na tatahakin. Kung tutuusin, totoo naman na hindi pa nagtatapos sa isang seremonya ang ating buhay.

Sa graduation, nakikilala natin ang mga magagaling through medals and certificates na napakaraming nakasabit sa leeg at mga kamay. Meron din ‘yung mga napag-iwanan ng kanilang batchmates o mga extraordinary na mga graduates na working students, parents, breadwinners, at silang sinubok ng panahon, napakasaya na nila na nakatanggap ng diploma at nakapag-handshake na. Kanya-kanya man ang kwento sa likod ng ilang taong pag-aaral, masasabi ko na deserve na deserve natin ang mga palakpak at hiyawan mula sa audience.

Totoo nga, this is the new beginning of the journey awaits us. Pero, ang bawat simula ng bagong yugto ng buhay natin ay palaging naiiba ang buong kwento ng paglalakbay. Alam ko na alam niyo na 'expect the unexpected' after graduation. May mga nasa itaas, mas hinahamon pa ng tadhana na susubok sa kanilang tatag at tiyaga. May mga hindi kilala o nasa ibaba, unting-unting lumalabas sa kanilang angking tagumpay. May mga pinalad, may mga minalas ng panahon. Sadyang walang tuwid na direksyon para sa ating lahat pagkatapos natin mag-aral.

Well, fact is fact. So, para sa atin, mga nagsipagtapos, set the goal, be humble, and celebrate your small and big achievements. Palagi nating isapuso ang "do your best, and God will do the rest" na mindset. Alam ko na hindi maging madali ang ating paglalakbay. Ngunit, ang buhay ay nag-iiba para sa atin — kaniya-kaniya rin ang ating lalakarin na daan at the end of the day.

Kaya, ano na? Kalmahin natin ang buhay pagkatapos ng graduation. It's never easy, but let's keep ourselves trying and striving for what's best for us. Anuman ang ating kwentong pagsasalaysay, iisa rin ang ating ending — ang makita natin ang tagumpay at pagkatao na mula mismo sa ating paghihirap at pagtitiyaga. Para sa sarili, sa pamilya at sinuman inaalay ng buong lakas at tiwala natin, for sure champion na tayo sa ating sariling buhay.

Kudos sa atin, mga nagsipagtapos. Graduates na tayo, mas grande pa ang buhay natin pagkatapos. Trust me, mararating din natin ang inaasam na tagumpay balang araw. Kaya mag-enjoy sa graduation at maghanda sa mga paparating pa!

Kitakits tayo sa ating kaniya-kaniyang tagumpay, graduates!

The Frontman